Siaržuk Piatroŭski

61 mehabajt (528 staronak) tekstu, karysnaha dla raspracoŭščykaŭ hulniaŭ, dla pačynajučych animataraŭ, dla prostych amataraŭ animacyi. Paśla taho, jak vy pračytajecie hetuju knihu, vy budziecie davoli daskanała razumieć uvieś praces stvareńnia multyka.

Upeŭnieny ŭ tym, što henaja kniha vielmi dapamoža raspracoŭščykam hulniaŭ z-za jaje nakiravanaści na raspracoŭku piersanažaŭ, bo šmat jakija studyi, jakija zajmajucca stvareńniem hulniaŭ, majuć z hetym peŭnyja prablemy.

Kali vy navat nie pracujecie z kamputarnaj hrafikaj, vam usio roŭna budzie cikava pračytać knihu - jana pačynajecca z tradycyjnaj animacyi. Spadabałasia, što ŭ knizie šmat malunkaŭ, z-za čaho anhielskuju movu možna viedać na nižej siaredniaha ŭzroŭni.

Knihu možna abo ściahnuć, abo atrymać ŭ ličbavym farmacie ad mianie. Read the rest of this entry…

Šanoŭnaje spadarstva, hety zapis budzie pryśviečany nie tamu, jak prajšli parlamandzkija vybary - 2008, a tamu, što ja maju namier balatavacca ŭ parlamant praz čatyry hady. Tak, ja razumieju, što, u siońniašniej Biełarusi parlamant amal ničoha nie vyrašaje… adnak, jość žadańnie niešta źmianić.

Tamu, byŭ by vielmi pryznany, kali vy dapamahli by mnie ŭ roznych njuansach, kštałtu, z čaho pačynać? Dobra razumieju toje, što pačynać treba ŭčora, a nie jak usie kandydaty - pierad vybarami.

Žyvie Biełaruś!

Dziesiać hod tamu, 26 vieraśnia 1998 hoda, pierastała bicca serca Jaŭhienija Jvanaviča Vaładźko - načalnika Biełaruskaj Čyhunki. Pad čas pachavańnia pa ŭsioj krainie tryvožna zahudzieli dziasiatki lakamatyvaŭ. Tak čyhunačniki raźvitvalisia z kiraŭnikom stalovaj mahistrali, jaki samaachviarna addaŭ usie svaje siły dziela słužeńniu rodnaj Biełarusi. Jon addaŭ joj i samo žyćcio - “chutkaja” ŭviazła jaho z jahonaha pracoŭnaha kabinieta.

Bieh času imklivy j niaŭmolny. Čałaviek tak ustrojeny, što z hadami bol straty prytuplajecca abo prachodzić, ale nia ŭ vypadku z Jaŭhienijam Jvanavičam. Usie, chto pracavaŭ z hetym vybitnym kiraŭnikom, dahetul nia mohuć prymirycca z tym, što ŭžo nikoli nie vyjdzie jon na sustrač, nie ŭśmichniecca svajoj mjahkaj baćkoŭskaj uśmieškaj. Jaho załatoje serca zaŭsiody davała luboŭ dy cepłyniu ŭsim, chto ŭ hetym mieŭ patrebu, chto hetak ža, jak i jon, byŭ hatoŭ, nie škadujučy sił, pracavać na karyść Biełaruskaj Čyhunki. Chto tolki nie źviartaŭsia da jaho za dapamohaj! Za jaho šyrokaJ śpinoj bolš za 100 tysiač čyhunačnikaŭ adčuvali siabie abaronienymi dy ŭpeŭnienymi ŭ zaŭtrašnim dni. Read the rest of this entry…

Saŭčanka Anton Antonavič dy Tałkačoŭ Viktar Jvanavič - voś i ŭvieś tak zvany “vybar”, bo pieršy siabra KPB (Kamunistyčnaja Partyja Biełarusi), a druhi… A druhi byŭ dobrym dyrektaram (pry jm zavod narešcie pačaŭ pracavać dy prynosić prybytak), ale, nažal, ciapier jon chvory na cukroŭku - siadzić na insulinie. I voś čym budzie zajmacca čałaviek sa svajoj chvarobaj u parlamancie? Ščyra kažučy, nia viedaju!

Maja babula, kolki joj nie prapanoŭvaŭ “zabić” na vybary dy z lohkim sercam pajechać na lecišča, usio ž taki mianie nie pasłuchała j pajšła halasavać daterminova (suprać usich).

Siońnia ŭ mianie jspyt pa palitalohii… Ščyra kažučy, navat zusim i nie chvalujusia, chutčej naadvarot - nastroj maju rašučy, u hałavie dumka adna - zdać! I narešcie pieraklučycca da inšych zadač/spraŭ (jakich, nažal, naźbirałasia zašmat).

Darečy, źbiraŭsia zapisacca na voś hetyja kursy, pasla jspytu budu telefanavać. Adzinaje, što zasmučaje (mo lepej biantežyć?), dyk toje, što kali pra hetaje daviedałasia adna maja siabroŭka, paraiła lepiej zapisacca na jakija kursy samaachovy. Bo ličyć heta dziavočym zaniatkam

PS. 30 vieraśnia pryjšoŭ list z dobraj, dla mianie, navinoj - ja zaličany ŭ mahistraturu EHU (Demakratyja j hramadzianskaja supolnaść)

Dadzieny fotazdymak, mianie, ščyra kažučy, uraziŭ. I ŭraziŭ zusim nie z-za dzieŭčyny, jak spačatku možna było padumać, a z-za taho, što pahuhliŭšy, ja znajšoŭ sajt, jaki całkam pryśviečyna… šlemam z kinaepapiei “Zorkavyja vojny”.

Hienij Džordža Łukasa stvaryŭ naspraŭdzie zachaplalny suśviet, kolkaść amataraŭ jakoha, zdajecca, bolš za kolkaść nasielnictva asobna ŭziataj krainy, naprykład, Biełarusi.

Miž inšym, u mianie ŭstalavana dźvie hulni - Star Wars: Jedi Knight II dy Star Wars: Republic Commando, a taksama jość DVD-dyski z usimi častkami Zorkavych Vojnaŭ, jakija ja pierahladaŭ nia tak daŭno.

Mnie treba było napisać ese na temu “Hieapalityčnaja symulacyja ŭ videjahulniach”, kab maju kandydaturu razhladzieli ŭ EHU. Takuju temu ja abraŭ tamu, što mianie nasamreč cikavić hetaja tema, j što hałoŭnaje, ja zjaŭlajusia raspracoŭščykam kamputarnych hulniaŭ.

Ese było napisana i dasłana, ale jak ja dasłaŭ jaho, adrazu pačaŭ vielmi chvalavacca: ci tak ja jaho napisaŭ, ci dobra raskryŭ temu… Adnym słovam, nervujusia! Ściahnuć ese!

Moža pakińcie jaki aptymistyčny kamentar?

Tavarystva biełaruskaj movy źviarnułasia da prychilnikaŭ biełaruskaj movy z prośbaj ab dapamozie.

Paśla taho, jak z krasavika ŭ 10 razoŭ była ŭźniata arendnaja płata, arhanizacyja vymušana štomiesiac płacić kala 1 tysiačy eŭra za dva svaje ofisy — u Minsku j Homieli. Usie zvaroty da ŭładaŭ dy apazycyi, u tym liku da lideraŭ Partyi kamunistaŭ Biełaruskaj Siarhieja Kalakina i ruchu „Za Svabodu” Alaksandra Milinkieviča, z prośbaj dapamahčy mieli „nulavy vynik”.

— Zaraz my raźličvajem tolki na prostych hramadzianaŭ, jakija, chto kolki moža, achviarujuć hrošy na padtrymku TBM. Heta vykładčyki, nastaŭniki, studenty, piensijaniery, jakich da zabiaśpiečanych ludziej naŭrad ci možna adnieści. A voś lidery apazicyi čamuści dapamahčy TBM albo nia mohuć, albo, što chutčej, nie žadajuć, — kaža A.Trusaŭ.

TBM zaklikaje ŭsich hramadzianaŭ, jakija nieabyjakavyja da rodnaj movy i rodnaj kultury, dapamahčy tavarystvu.

Rachunak HA „TBM imia Franciška Skaryny” №3015212330014 ŭ Hardyrekcyi AAT „Bielinviestbanka”, kod 764”.

Ščyra kažučy, kali ja byŭ u pieršy dzień, mnie tolki spadabaŭsia vystup spadara, jaki raspaviadaŭ pra Agile/Scrum. Miž inšym, papiaredniaha dakładčyka (darečy, jon z Microsoft’a) ja by chutka zapamiatavaŭ, kali b nie jaho pieryjadyčnyja “nia ŭ temu” vykazvańni - pa jaho razumieńniu Agile heta štości kštałtu Java (jon navat prapanavaŭ na Agile napisać pptFlex) nu i h.d. Druhi dzień mnie bolej spadabaŭsia - ale heta j zrazumieła, bo tam bolš humanitaryja było.

Zrabiŭ fotazdymak sp. Spiritzzz, jaki pracavaŭ na kanfierencyi.

Siońnia vyjšaŭ pieršy numar hazety “Et Cetera“, i, ščyra kažučy, ja b padpisaŭsia na jaje, kali b dastaŭka na sieciŭnuju poštu kaštavała jakich grošaŭ… Ściahnuć numar ad 15.08.2008

Zrazumieła, pakul numar atrymaŭsia nia vielmi skampanavanym - naprykład raspovied pryhod spadara Vałošyna pra toje jak niedarečna vabiŭ jon čas u Tureččynie… Paŭstaje pytańnie, jak mahło tak atrymacca?! Kali spadar Vałošyn vypadkova pabačyć hety zapis - voś, davoli cikavaja spravazdača majho ščyraha siabra z Ukrainy (zrazumieła, što napisana na ŭkrainskaj movie). Potym artykuł “Манекены Пис” - cikavy pačatak jak abiacańnie dobraha artykuła, ale nastupnuju staronku nie dačytaŭ. Asobna ab dyzajnie - jon pryvabny, nasamreč, čytać zručna (j pryjemna vačam da taho ž).

Padahulniajučy, žadaju pośpiechaŭ u asvajeńnie biełaruskaj internet-prastory!