Siaržuk Piatroŭski

Ja nia źbirajusia padtrymlivać tych, chto abvinavačvaje biełarusaŭ u tym, što jany pamiarkoŭnyja, ale ž… Ale ž učora jedučy ranicaj u hramadzkim transparcie — aŭtobusie 22-ha maršruta, ja apynuŭsia śviedkam reakcyi pasažyraŭ na abviestku, što ŭ śniežni skasoŭvajucca ilhoty (čamu nia ŭ studzieni? moža nie chapaje hrošaŭ na jołku pierad Pałacam Respubliki? Ci prbalema bolš hłabalniej — tre budavać čarhovy ladovy pałac?) Dyk voś, viartajučysia da reakcyi… Miž inšym, jakoj reakcyi? Nijakaj reakcyi nia było, usio jak zvyčajna.

Ale, paśla artykuła spadara Nikałajčuka (Ježiednievnik, #308), ja zrazumieŭ, što nia tak užo ŭsio kiepska

Narešcie ja vyzvaliŭsia ad roznych spraŭ i raspracavaŭ novuju kancepcyju dla majho prajekta swargo.GameDev Sakrety Kazualnych Hulniaŭ. Sumna ad taho, što kab pryjści da biahučaj kancepcyi, ja byŭ vymušany stracić šmat času — bo paźbiahaŭ dumać ab źmienie napramku raźvićcia bačyny. Ale ŭ vyniku, na siońniašni dzień atrymałasia narmalovaja bačyna, dzie ŭžo zaraz možna znajści niešta novaje dy unikalnaje.

Pazbavicca ad foruma, jak papiaredniaj kancepcyi, vymusiła nulovaja aktyŭnaść udzielnikaŭ, i jak pieršapryčyna — maleńkaja kolkaść udzielnikaŭ. A bačyć, jak na forumie razmaŭlajuć miž saboj administratary… dziŭna. J śmiešna! (more…)

Mabyć, niabłaha było b stvaryć niekalki padkastaŭ na temu hulniabuda? Dobraja ideja? Ja liču, što tak! Miarkuju, što heta budzie cikava słuchać biełaruskim raspracoŭščykam, asabliva tym, chto žyvie za miažoj.
Voś tolki… A što pavinny źmiaščać padobnyja padkasty? Ščyra kažučy, ja nia viedaju, ale maju niekatoryja razvažańni, kštałtu taho, što maje padkasty nie pavinny źmiaščać navinaŭ, kab zachoŭvać aktualnaść jak maha doŭhi termin. (more…)

Učora vyrašyŭ zrabić ralijny ruchavičok. Prydumaŭ, navat, nazvu — „Dźvina Engine”. Miarkuju, što na hetym ruchavičku budzie stvorany, u rešcie rešt, časova prypynieny prajekt „Swine.cing”. U techničnym planie ruchavičok nia budzie vielmi chutkim abo technalahičnym, to bok jon budzie stvaracca na źviazku Blitzmax + Irrlicht Engine + Ageja PhysX (RubuX Wrapper). Na maju dumku Irrlicht Engine maje słabiejšy za OGRE render, ale heta bolš pryncypova dla hulniaŭ AAA kłasu.Z fizikaj abstaviny kudy cikaviej — Ageja PhysX najchutčejšaja i najlepšaja fizika. BlitzMax ža abrany dziela taho, kab pradavać(licenzavać) hety ruchavičok. A čamu nie? (more…)

30 dzion nočy… Dobraja nazva dla filma, žanr jakoha “pieražyć žach”. Voś tolki maje racyju dadać da nazvy žanru filma jašče taki dopis — “kamiedyja”. Nasamreč, davoli šmat pryšpilnych momantaŭ, jakija dapamahajuć hledačam razam z hierojami hetaj stužki pieražyć 30 dzion. Dzjakuj pradziusieram, što jany nie zrazumieli litaralna nazvu kinastužki, tamu pakazvajuć momanty, jakija adbyvalisia ŭ pieršy dzień, dalej 18-ty dzień, potym 27 (kali nie zaminaje pamiać) nu j narešcie apošni, trydcaty, dzień.

Čytajučy vodhuki na roznych tematyčnych bačynach, ja sutykaŭsia z tym, što ludzi čaściej za ŭsio kryviać mordu dy pišuć, kštałtu “niecikavy film, niaśmiešny i ŭvohule, scenarysty pavinny vypić jadu”. Što možna kazać pra hetych ludziej? Spadarstva, kali Vy hladzicio tolki elitarnaje kino, navošta chadzić na stužki, jakija źniaty pa komiksu? J potym, zdajecca, što ŭ Biełarusi prychilnikaŭ komiksaŭ usiaho niekalki adsotkaŭ… astatnija čytajuć tolki Dastajeŭskaha, Tałstoha, Kaelio i h.d., padobnuju litaraturu. Žyvie Biełaruś! Žyvuć Komiksy! (more…)

Narešcie ja adčuŭ siabie “biełym” čałaviekam. Dahetul ja mieŭ tolki Visa Electron, jakoj nia moh raźličvacca ŭ siecivie. A mnie nieabchodna było nabyvać j Skype Credity, j adterminoŭvać damien Swargo.com, j za šmat jašče čaho addavać hrošy. Adkryvać ža š Visa Claśsic čamuści achvoty nia maju.

Na tym tydni ja, usio ž taki, vyrašyŭšy pakłaści kaniec hetamu mardavańniu, pajechaŭ u PriorBank z metaj stać uładalnikam Visa Internet. Pryjechaŭšy tudy, kali nie pamylajusia — u čaćvier, ja byŭ niepryjemna ździŭleny — možna było nia jechać u bank, a adrazu ŭ siecivie zapoŭnić patrebnyja farmulary dy adasłać na atrymańnie Visa Internet. Potym zastavałasia tolki pryjechać dy padpisać dahavor. Taksama, što ŭžo pryjemna, PriorBank pry stvareńni takoj kartki daje źnižki studentam, tak kali achvotu budzie mieć zvyčajny spadar — jamu treba budzie addaści za kartku 14 dalaraŭ, a studentam ža tolki 10 dalaraŭ. (more…)

Nia tak daŭno vyjšła ŭ śviet novaja apieracyjnaja sistema ad Apple — MacOS X 10.5 Leopard, ale hetaja AS była dastupna jašče za paŭhady padpisčykam (tre było zapłacić za ADC Membership 499 dalaraŭ). I za hety čas (ia prosta ŭpeŭnieny ŭ hetym) možna było vielmi daskanała prateśćciravać svaje prahramnyja pradukty . Ale ž GarageGames ździŭlaje…

Ździŭlaje tym, što dahetul niama nijakich navin ab tym, kali budzie abnoŭleny ichni, davoli papularny, pradukt Torque Game Builder. Vyjaviłasia prablema — niaviernaja apracoŭka “myški”, i hetaja prablema prysutničaje jak na Intel, tak i na PowerPC viersijach.

Tak, raspracoŭščyki abiacajuć jak maha chutčej vypravić situacyju ŭ nastupnym relizie, ale što jany rabili dahetul? U GarageGames davoli paśpiachovy biznes, jany zdymajuć pad ofis vialikaje pamiaškańnie dy supracoŭničajuć z takimi kampanijami jak Microsoft, ichnjuju reklamu možna ŭbačyć u prestyžnych mas-miedyja.

Učora prajšoŭ tak zvany “Sacyjalny Marš”… što kazać? Jak ja i dumaŭ, ničoha cikavaha tam nie było. Nasamreč, dziŭnaja situacyja — navošta arhanizoŭvać čarhovuju akcyju ŭ abaronu ilhot, kali j tak viadoma, što ilhoty nia viernucca? CHaj ludzi adčujuć, jak heta biez ilhot dy adrazu ŭ hramadstvie ŭźniknie niehatyŭnaja reakcyja na ŭładu. A čamu b i nie? Maja pazicyja, miž inšym, maje racyju, bo ja hladžu na heta z ułasnaha prykładu — maja babula. Jana jak daviedałasia, što ilhoty admieniajuć, dyk adrazu stała (vielmi) horš stavicca da Łukašenki.

Dobry nastroj… byŭ sapsavany. Ja źbiraŭsia sustrecca z adnoj panienkaj, jakuju doŭhi čas nia bačyŭ, kab naviedać vystavu “Techna Art”. Hetaja vystava źmieščana kala Pałaca Respubliki, što na Kastryčnickaj płoščy. Pryjechaŭšy zahadździa jak isty džentelmien, ja byŭ spynieny na prystupkach vychada ź miatro. J što ahidna, mianie spyniŭ niejki chamavaty słužboŭca KDB (ia tak dumaju), jaki adrazu zapytaŭ štości, kštałtu “Kudy preš?”.

Mabyć, “soncapadobny” davoli mocna spužaŭsia padziej 20 sakavika, kali na płošču vyjšaŭ natoŭp, bo inšaha tłumačeńnia taho, što pierakryli płošču, ja nia baču. Niaŭžo tam, dzie sp. Łukašenka znachodzicca, nielha navat prajści ŭ radyjusie kiłamietra? Ci heta našych vučonych achoŭvajuć ad niezrazumieła kaho. Dy naŭradcie! Mianie, nasamreč pužajuć hetyja ludzi ŭ cyvilnym, ad jakich ŭvohule nielha dapytacca, chto jany i čamu nie prapuskajuć…

Byvaje brydka žyć u hetaj krainie, ale źjaždžać niekudy dy nie źbirajusia!

Robaty i seks… U siužecie amierykanskaha kibierpank-filma “Blade Runner” maje miesca pryvabnaja žančyna-robat (u savieckaj filmahrafii taki siužet naŭradcie b prajšoŭ cenzuru), jakaja stvarałasia tolki dziela blizkaha fizičnaha kantaktu. Heta ja ab čym — uvajšoŭšy ŭ pamiaškańnie vystavy, ja adrazu zaŭvažyŭ dźviuch pryhožych dziaŭčyn-robataŭ, jakija mieli pafarbavanyja vałasy ŭ srebrany koler, u karocieńkaj sukiency taho ž kolera, (ale što ŭraziła, dyk heta pracivahaz, taksama pafarbavany ŭ srebrany koler, jaki pryčaplaŭsia na patylicu), mnie adrazu zachaciełasia pajści z adnoj robatkaj u jakoje niebudź pryvatnaje pamiaškańnie. (more…)