Siaržuk Piatroŭski

Tavarystva biełaruskaj movy źviarnułasia da prychilnikaŭ biełaruskaj movy z prośbaj ab dapamozie.

Paśla taho, jak z krasavika ŭ 10 razoŭ była ŭźniata arendnaja płata, arhanizacyja vymušana štomiesiac płacić kala 1 tysiačy eŭra za dva svaje ofisy — u Minsku j Homieli. Usie zvaroty da ŭładaŭ dy apazycyi, u tym liku da lideraŭ Partyi kamunistaŭ Biełaruskaj Siarhieja Kalakina i ruchu „Za Svabodu” Alaksandra Milinkieviča, z prośbaj dapamahčy mieli „nulavy vynik”.

— Zaraz my raźličvajem tolki na prostych hramadzianaŭ, jakija, chto kolki moža, achviarujuć hrošy na padtrymku TBM. Heta vykładčyki, nastaŭniki, studenty, piensijaniery, jakich da zabiaśpiečanych ludziej naŭrad ci možna adnieści. A voś lidery apazicyi čamuści dapamahčy TBM albo nia mohuć, albo, što chutčej, nie žadajuć, — kaža A.Trusaŭ.

TBM zaklikaje ŭsich hramadzianaŭ, jakija nieabyjakavyja da rodnaj movy i rodnaj kultury, dapamahčy tavarystvu.

Rachunak HA „TBM imia Franciška Skaryny” №3015212330014 ŭ Hardyrekcyi AAT „Bielinviestbanka”, kod 764”.

Ščyra kažučy, kali ja byŭ u pieršy dzień, mnie tolki spadabaŭsia vystup spadara, jaki raspaviadaŭ pra Agile/Scrum. Miž inšym, papiaredniaha dakładčyka (darečy, jon z Microsoft’a) ja by chutka zapamiatavaŭ, kali b nie jaho pieryjadyčnyja “nia ŭ temu” vykazvańni - pa jaho razumieńniu Agile heta štości kštałtu Java (jon navat prapanavaŭ na Agile napisać pptFlex) nu i h.d. Druhi dzień mnie bolej spadabaŭsia - ale heta j zrazumieła, bo tam bolš humanitaryja było.

Zrabiŭ fotazdymak sp. Spiritzzz, jaki pracavaŭ na kanfierencyi.

Siońnia vyjšaŭ pieršy numar hazety “Et Cetera“, i, ščyra kažučy, ja b padpisaŭsia na jaje, kali b dastaŭka na sieciŭnuju poštu kaštavała jakich grošaŭ… Ściahnuć numar ad 15.08.2008

Zrazumieła, pakul numar atrymaŭsia nia vielmi skampanavanym - naprykład raspovied pryhod spadara Vałošyna pra toje jak niedarečna vabiŭ jon čas u Tureččynie… Paŭstaje pytańnie, jak mahło tak atrymacca?! Kali spadar Vałošyn vypadkova pabačyć hety zapis - voś, davoli cikavaja spravazdača majho ščyraha siabra z Ukrainy (zrazumieła, što napisana na ŭkrainskaj movie). Potym artykuł “Манекены Пис” - cikavy pačatak jak abiacańnie dobraha artykuła, ale nastupnuju staronku nie dačytaŭ. Asobna ab dyzajnie - jon pryvabny, nasamreč, čytać zručna (j pryjemna vačam da taho ž).

Padahulniajučy, žadaju pośpiechaŭ u asvajeńnie biełaruskaj internet-prastory!

Treba było adnahrupniku dapamahčy z madelavańniem… Voś zmadelavaŭ amierykanski tank Abrams, zrazumieła, što madel jašče nia skončana, bo treba namalavać tekstury, dapracavać madel, bo jość vialikaje žadańnie skarystać hetuju madel u svajoj stratehii, a dziela hetaha treba dadać na madel niešta futurystyčnaje kštałtu rakietnicy abo čaho padobnaha.

Ściahnuć refierens: śpieradzi, źleva, źvierchu

Prybiraŭsia ŭ svaim łeptopie dy natyknuŭsia na cikavy materyjał pra skłanieńnie. Ściahnuć padručnik pra skłanieńnie!

P.s. Ustalavaŭ novy dadatak da Wordpress - qTranslate (pracuje tolki na apošniaj versii 2.6.1) jak zamienu xLanguage.  J vielmi ŭražany, bo hety dadatak dazvalaje davoli zručna stvarać zapisy na roznych movach. U maim vypadku heta zapisy na biełaruskaj kirylicy j łacinki (miarkavaŭ jašče dublavać zapisy rasiejskaju, ale, kali atrymajecca ździejśnić adzin plan, budu dublavać letuŭskaju )

Pavažanyja siabry! Sardečna vinšuju vas z Dniom biełaruskaha piśmienstva.

Heta śviatočnaja data tryvała ŭvajšła ŭ naša žyćcio, atrymała dziaržaŭny status i pryznańnie naroda, tamu što plonna spryjaje duchoŭnamu, kulturnamu, sacyjalnamu raźvićciu Biełarusi. Nahadvajučy pra hodnaje minułaje, dazvalaje z nadziejaj hladczieć u budučyniu.

Nievypadkova sioleta estafietu ŭračystaściej prymaje zasnavany jašče napačatku XII stahoddzia Barysaŭ — adzin sa staražytnych kulturnych centraŭ našaj krainy, horad, ź jakim źviazany mnohija značnyja padziei biełaruskaj historyi.

Upeŭnieny, što Dzień biełaruskaha piśmienstva źjavicca važnaj padziejaj u kulturnym žyćci Biełarusi, paspryjaje dalejšaj kansalidacyi nasielnictva respubliki na tryvałym padmurku vysokich duchoŭnych kaštoŭnaściej, zakładzienym słavutymi prodkami.

Ščyra žadaju ŭsim arhanizataram, udzielnikam i haściam śviata mocnaha zdaroŭja, dabrabytu, ščaścia, aptymizmu i novych zdziajśnieńniaŭ na karyść Radzimy.

Alaksandr Łukašenka