Adradžeńnie swargo.GameDev
Narešcie ja vyzvaliŭsia ad roznych spraŭ i raspracavaŭ novuju kancepcyju dla majho prajekta swargo.GameDev Sakrety Kazualnych Hulniaŭ. Sumna ad taho, što kab pryjści da biahučaj kancepcyi, ja byŭ vymušany stracić šmat času — bo paźbiahaŭ dumać ab źmienie napramku raźvićcia bačyny. Ale ŭ vyniku, na siońniašni dzień atrymałasia narmalovaja bačyna, dzie ŭžo zaraz možna znajści niešta novaje dy unikalnaje.
Pazbavicca ad foruma, jak papiaredniaj kancepcyi, vymusiła nulovaja aktyŭnaść udzielnikaŭ, i jak pieršapryčyna — maleńkaja kolkaść udzielnikaŭ. A bačyć, jak na forumie razmaŭlajuć miž saboj administratary… dziŭna. J śmiešna!
Ideja zrabić bačynu ŭ vyhladzie błoha upieršyniu źjaviłasia, kali ja pabačyŭ błoh spadara Andreja Uholnika. Ale ŭ toj čas ja raźličvaŭ na stvareńnie ŭłasnaj supołki, tamu ideja pra błoh adyjšła na druhi plan.
Apošni ćvik u trunu z majoj nadziejaj abjadnać biełaruskamoŭnuju supołku na bazie swargo.gameDev, byŭ ukałočany paśla amatarskaha analizavańnia aktyŭnaści ŭdzielnikaŭ rasiejskaha GameDev.by. Nasamreč, praktyčna ŭsich biełaruskich raspracoŭščykaŭ hulniaŭ zachapili partały kštałtu GameDev.com abo GameDev.ru, i zrazumieła što “partału” GameDev.by jašče vielmi daloka da vyšejnazvanych partałaŭ. A što ž moža prapanavać GameDev.by? Kali heta idzie pad lozunham “svajo”? Moža i tak, ale ja ničoha biełaruskaha, akramia damiena .by naprykład, na hetym partale nie zaŭvažyŭ.
Tamu dla mianie metaj http://bel.casualgamesecrets.com źjaŭlajecca abjadnańnie mienavita biełaruskamoŭnych raspracoŭščykaŭ hulniaŭ.