Azadačanyja maŭčańniem
Ambasadar Rasiei ŭ Biełarusi Alaksandr Surykaŭ vykazaŭ nierazumieńnie pazycyi biełaruskich uład u adnosinach vajny z Hruzijaj. „Nam vielmi niezrazumieła, što dziaržaŭnyja ŭłady Biełarusi zachoŭvajuć ścipłaje maŭčańnie”, — zajaviŭ Surykaŭ ŭ aŭtorak na pres-kanfierencyi ŭ Miensku.
Pa słovach ambasadara, za ŭvieś čas kanfliktu ź biełaruskaha boku mieła miesca tolki “vykazvańnie druharadnaha čynoŭnika MZS”. “A my-ta zaŭsiody padzialajem vaša hora ŭ mižnarodnych arhanizacyjach, u tym liku, kali ŭvodziacca ekanamičnyja sankcyi, kali mižnarodnyja arhanizacyi pa inicyjatyvie niekatorych krain pačynajuć abmiarkoŭvać adsutnaść pravoŭ čałavieka ŭ Biełarusi. Za hetym zaŭsiody vynikajuć hołasnyja zajavy z boku Rasiei”, — zaŭvažyŭ A.Surykaŭ. Ambasadar padkreśliŭ, što “ścipła-maŭklivaje maŭčańnie nas azadačyła”. “Bolš vyrazna treba vykazvacca pa takich pytańniach, tym bolš sajuźnikam”, — skazaŭ A. Surykaŭ.
Adkazvajučy na pytańni žurnalistaŭ, ambasadar taksama sa škadavańniem zaŭvažyŭ, što ź biełaruskaha boku nie pastupała prapanoŭ ab akazańni humanitarnaj dapamohi. “My razumiejem, što Kanstytucyja Biełarusi zabaraniaje vykarystańnie vajennaj siły pa-za terytoryjaj krainy, ale humanitarny składnik moh by prysutničać”, — zaŭvažyŭ A. Surykaŭ.
Ambasadar nahadaŭ, što Biełaruś i Rasieja budujuć „sajuznuju dziaržavu”. Takim čynam “hramadzianie Rasiei, trapiŭšyja ŭ humanitarnuju katastrofu, jany ža niekatorym čynam i hramadzianie Biełarusi”, — ličyć rasiejski dypłamat.