А ў Менску зараз холадна й ідуць дажджы… Паскудны настрой, але намагаюся нарэшце пачаць працаваць. Між іншым, ДАІ Менска папярэджвае аб пагаршэньні ў бліжэйшыя дні надвор’я: дажджах ды навальніцах, а таксама магчыма затапленьне шэрагу сталічных вуліц. Што казаць… файна 
Зараз працую над абярагальнікам дысплэю, па ангельску - screensaver, у якасьці тэмы абраў царкву ў Заслаўе, ці Царкву Праабражэньня Гасподняга. Яе пабудавалі з цэглы ў 1590 годзе з фундацыі Яна Глябовіча. Спачатку гэтая пабудова выкарыстоўвалася кальвіністамі, зараз гэта праваслаўная царква.
Пляную скончыць на наступным тыдне й выкласьці ў сеціва 
Як файна прабегчы раніцай некалькі кругоў!
Пошукі лепшага жыцьця… Мне заўсёды падавалася, што трэба заставацца чалавекам ва ўсіх выпадках, нават калі няма чаго есьці. Аднак, што казаць аб тых, хто зьехаў у тую ж Амерыку з фальшывымі дакумэнтамі, якія сьведчаць, што гэты “чалавек” так званы “палітычны ўцякач”? Мой сябра сутыкнуўся з магчымай дэпартацыяй, бо амерыканскія судзьдзі лічаць беларусаў падманшчыкамі з-за таго, што вялікі адсотак эмігруэ ў Амерыку як “палітуцякачы” з падробленымі дакумэнтамі. Навошта?
Што да мяне, пляную жыць на Радзіме, нават калі з-за маіх палітычных поглядаў будзе йсьці ціск на мяне ды маіх блізкіх, а працу знайсьці даволі лёгка ў час фрылансу, на маю думку…
