Siaržuk Piatroŭski

На новы год кампанія МТІС зрабіла “выдатны” падарунак мінчукам, замяніўшы тэлеканал AXN SCI-FI на брыдотны расейскі быдлаканал ТНТ. Я разумею, што нічога ня зьменіцца ад майго ліста, але:

Шчыры дзякуй, што вырашылі спрыяць дэградацыі мінчукоў. Няўжо не зразумела, што Star Trek, Heroes, LOST ды іншыя серыялы не параўнальны з “высокамаральнымі” расейскімі серыяламі кшталту Дом2, Наша Раша, ComedyClub, Саша+Маша, Любовь на районе… Думайце, калі ласка, ня толькі пра быдла-аўдыторыю каналу ТНТ! Па ўласных назіраннях AXN SCi-Fi глядзелі як дзеці, так і дарослыя, але калі дарослым будзе што паглядзець, дык што мовіць наконт дзяцей? Глядзець ТНТ?!

Спадарства, у каго ёсьць час ды натхненьне - дашліце таксама свае лісты ў гэту кампанію!

Пераглядаючы нейкую рэклямную газэту (дакладна ня памятаю назву, але гэта наўрадзьце прынцыпова), я заўважыў рэклямную абвестку, сэнс якой не адразу дайшоў да мяне. Нават не разумею, як гэта магло прыйсьці ў галаву рэклямшчыку… А можа дызайнер адмыслова замяніў, напрыклад, слова “холодна” на “выглядит”, бо такая зіма яму ўжо не да спадобы?

Але ня будзем гадаць, раю: лепей запомніце назву гэтай кампаніi ды запішыце яе нумар у чорны сьпіс, каб пры неабходнасьці не зьвярнуцца выпадкова ў гэтую кампанію!

Прыехаўшы з Вільні я чамусьці адкладваў капіяваньне з карткі памяці на мой лэптоп часткі фотаздымкаў.

Сярод гэтых фотаздымкаў былі панарамы, працоўныя фотаздымкі Прачысьценскай царквы (меў намер яе змадэляваць), якую фатаграфаваў амаль паўтары гадзіны… Сумна! Сумна таму, што сёньня вырашыў даслаць паненке Кацярыне Атаманавай фотаздымак са свайго акна, cфатаграфаваў, уставіў картку памяці і… хрэн! Не працуе картка памяці! Вось цяпер буду думаць, што ж набыць…

Так званы бізнэс па-беларуску - іншымі словамі, рэкляма нейкай хостынгавай кампаніі за кошт антырэклямы HOSTER.BY. Насамрэч, хостынг у HOSTER.BY даволі адэкватны, бо я сутыкаюся з падтрымкай праектаў на гэтым хостынгу. Але, калі вам патрэбны танны й якасны хостынг - зварочвайцеся або да мяне, або адразу ў http://cheaphostingby.com/

Ps. Наконт паклёпу - хутчэй за ўсё на спадара будзе пададзена скарга ў пракуратуру.

Прачытаў толькі што на Рамблеры навіну - “Расейцам будуць выдаваць ліцэнзіі на гастарбайтараў”… І вось такое ўражаньне, што ў Расеі зноў ўвялі прыгоньніцтва. А на кожны Юр’яў дзень гастарбайтары змогуць пераходзіць да іншых расейцаў…

kostya78: “А раз на рік, в день свого народження, Путін буде давати “вольні” як знак найвищої милості до своїх холопів.“

1 лістапада а палове на 22 гадзіну ва урочышчы Курапаты грамадзкія актывісты затрымалі двух маладзёнаў, якія ламалі крыжы.

Пасьля актаў вандалізму напачатку тыдня грамадзкія актывісты кантралявалі ўрочышча. Як паведаміў адзін зь актывістаў, ён і ягоны сябра патрулявалі ўрочышча і пабачылі двух маладзёнаў, якія падышлі да крыжоў і пачалі іх ламаць. Яна павалілі і зламалі пяць крыжоў. Грамадзкія актывісты затрымалі іх і выклікалі супрацоўнікаў міліцыі Менскага раённага аддзелу ўнутраных справаў.

Паводле актывіста, вандалы былі нецьвярозыя, нецэнзурна лаяліся. Пакуль чакалі прыезду міліцыі, хлопцы выклікалі сваіх бацькоў.

(далей…)