Pračytaŭ tolki što na Ramblery navinu - “Rasiejcam buduć vydavać licenzii na hastarbajtaraŭ”… I voś takoje ŭražańnie, što ŭ Rasiei znoŭ ŭviali pryhońnictva. A na kožny Jurjaŭ dzień hastarbajtary zmohuć pierachodzić da inšych rasiejcaŭ…
kostya78: “А раз на рік, в день свого народження, Путін буде давати “вольні” як знак найвищої милості до своїх холопів.“
1 listapada a pałovie na 22 hadzinu va uročyščy Kurapaty hramadzkija aktyvisty zatrymali dvuch maładzionaŭ, jakija łamali kryžy.
Paśla aktaŭ vandalizmu napačatku tydnia hramadzkija aktyvisty kantralavali ŭročyšča. Jak paviedamiŭ adzin ź aktyvistaŭ, jon i jahony siabra patrulavali ŭročyšča i pabačyli dvuch maładzionaŭ, jakija padyšli da kryžoŭ i pačali ich łamać. Jana pavalili i złamali piać kryžoŭ. Hramadzkija aktyvisty zatrymali ich i vyklikali supracoŭnikaŭ milicyi Mienskaha rajonnaha addziełu ŭnutranych spravaŭ.
Pavodle aktyvista, vandały byli niećviarozyja, niecenzurna łajalisia. Pakul čakali pryjeźdu milicyi, chłopcy vyklikali svaich baćkoŭ.
Saŭčanka Anton Antonavič dy Tałkačoŭ Viktar Jvanavič - voś i ŭvieś tak zvany “vybar”, bo pieršy siabra KPB (Kamunistyčnaja Partyja Biełarusi), a druhi… A druhi byŭ dobrym dyrektaram (pry jm zavod narešcie pačaŭ pracavać dy prynosić prybytak), ale, nažal, ciapier jon chvory na cukroŭku - siadzić na insulinie. I voś čym budzie zajmacca čałaviek sa svajoj chvarobaj u parlamancie? Ščyra kažučy, nia viedaju!
Maja babula, kolki joj nie prapanoŭvaŭ “zabić” na vybary dy z lohkim sercam pajechać na lecišča, usio ž taki mianie nie pasłuchała j pajšła halasavać daterminova (suprać usich).
Inženier AAH “Biełtranshaz”, siabar Partyi BNF Alaksandar Miech pryniaŭ rašeńnie ŭdzielničać u tak zvanych “parlamantckich vybarach” 2008 hodu. 30 červienia jaho zvolili z pracy. Napiaredadni jaho vyklikali ŭ miascovaje KDB na “prafiłaktyčnuju” razmovu, jakuju, dziakuj Bohu, palityku atrymałaś zapisać na dalikažak.
Učora całkam zapatrabavany spiecyjalist, admoviŭšysia ad zručnaj dla kiraŭnictva pazycyi “nie vysoŭvacca”, siońnia apynuŭsia na vulicy. Kiraŭnik Uładzimier Halaško zvoliŭ pierspiektyŭnaha supracoŭnika “u suviazi z zakančeńniem terminu dziejańnia zaklučanaha z nim kantraktu”.
Spampavać aŭdyjazapis možna adsiul: 8.4 Mb
Prahladzieć całkam usiu navinu z razšyfroŭkaj razmovy: Charter ‘97
Niezarehistravanaja arhanizacyja “Bieły lehijon” była zasnavanaja na pačatku 90-ch častkaj maładziejšych siabroŭ źlikvidavanaha Biełaruskaha zhurtavańnia vajskoŭcaŭ (BZV) na bazie jahonaha moładzievaha kryła DRAB (Družyny rehijanalnaj achovy j biaśpieki, t.zv. “Čornyja draby”)
Naprykancy 90-ch kolkaść udzielnikaŭ “Biełaha lehijonu” nie peravyšała 200 čałaviek. Jany brali ŭdzieł u štohadovych spartovych vyškalnych zborach j letnikach u roznych kutkach Biełarusi. Metaju arhanizacyi była abarona niezaležnaści Biełarusi, jakaja tady apynułasia pad pahrozaj praz padpisańnie sajuznych damovaŭ z Rasiejaj. Dziejnaść arhanizacyi zharnułasia paśla źniknieńnia pahrozy niezaležnaści.
Zaraz jaje byłych siabroŭ aryštoŭvajuć pa “padazrońniju” ŭ arhanizacyi vybucha 3 lipienia ŭ Miensku.
Dobra pracujuć biełaruskija prapahandysty sajuzu z Rasiejaj, bo jak jnakš možna patłumačyć hety zdymak dyspleju? Niaŭžo rasiejcy, kali im cikava čytać pra pahanstva ŭ Biełarusi nia zdolny vyvučyć biełaruskuju movu? Čym ža š biełaruskaja mova horš za rasiejskuju, jakaja ŭvohule - ŠTUČNAJA??
Dy j potym, z druhoha boku - taja supołka amal usia sfarmiravana z rasiejcaŭ, ale tady moža budzie mieć racyju peranazvać supołku, kab nie blytać ščyrych biełarusaŭ?
Nasamreč, takaja źniavaha biełaruskaj movy “tak zvanymi” biełarusami ŭražvaje…
Ja nia źbirajusia padtrymlivać tych, chto abvinavačvaje biełarusaŭ u tym, što jany pamiarkoŭnyja, ale ž… Ale ž učora jedučy ranicaj u hramadzkim transparcie — aŭtobusie 22-ha maršruta, ja apynuŭsia śviedkam reakcyi pasažyraŭ na abviestku, što ŭ śniežni skasoŭvajucca ilhoty (čamu nia ŭ studzieni? moža nie chapaje hrošaŭ na jołku pierad Pałacam Respubliki? Ci prbalema bolš hłabalniej — tre budavać čarhovy ladovy pałac?) Dyk voś, viartajučysia da reakcyi… Miž inšym, jakoj reakcyi? Nijakaj reakcyi nia było, usio jak zvyčajna.
Ale, paśla artykuła spadara Nikałajčuka (Ježiednievnik, #308), ja zrazumieŭ, što nia tak užo ŭsio kiepska
Nia tak daŭno vyjšła ŭ śviet novaja apieracyjnaja sistema ad Apple — MacOS X 10.5 Leopard, ale hetaja AS była dastupna jašče za paŭhady padpisčykam (tre było zapłacić za ADC Membership 499 dalaraŭ). I za hety čas (ia prosta ŭpeŭnieny ŭ hetym) možna było vielmi daskanała prateśćciravać svaje prahramnyja pradukty . Ale ž GarageGames ździŭlaje…
Ździŭlaje tym, što dahetul niama nijakich navin ab tym, kali budzie abnoŭleny ichni, davoli papularny, pradukt Torque Game Builder. Vyjaviłasia prablema — niaviernaja apracoŭka “myški”, i hetaja prablema prysutničaje jak na Intel, tak i na PowerPC viersijach.
Tak, raspracoŭščyki abiacajuć jak maha chutčej vypravić situacyju ŭ nastupnym relizie, ale što jany rabili dahetul? U GarageGames davoli paśpiachovy biznes, jany zdymajuć pad ofis vialikaje pamiaškańnie dy supracoŭničajuć z takimi kampanijami jak Microsoft, ichnjuju reklamu možna ŭbačyć u prestyžnych mas-miedyja.
Učora prajšoŭ tak zvany “Sacyjalny Marš”… što kazać? Jak ja i dumaŭ, ničoha cikavaha tam nie było. Nasamreč, dziŭnaja situacyja — navošta arhanizoŭvać čarhovuju akcyju ŭ abaronu ilhot, kali j tak viadoma, što ilhoty nia viernucca? CHaj ludzi adčujuć, jak heta biez ilhot dy adrazu ŭ hramadstvie ŭźniknie niehatyŭnaja reakcyja na ŭładu. A čamu b i nie? Maja pazicyja, miž inšym, maje racyju, bo ja hladžu na heta z ułasnaha prykładu — maja babula. Jana jak daviedałasia, što ilhoty admieniajuć, dyk adrazu stała (vielmi) horš stavicca da Łukašenki.
