Siaržuk Piatroŭski

Šanoŭnaje spadarstva, hety zapis budzie pryśviečany nie tamu, jak prajšli parlamandzkija vybary - 2008, a tamu, što ja maju namier balatavacca ŭ parlamant praz čatyry hady. Tak, ja razumieju, što, u siońniašniej Biełarusi parlamant amal ničoha nie vyrašaje… adnak, jość žadańnie niešta źmianić.

Tamu, byŭ by vielmi pryznany, kali vy dapamahli by mnie ŭ roznych njuansach, kštałtu, z čaho pačynać? Dobra razumieju toje, što pačynać treba ŭčora, a nie jak usie kandydaty - pierad vybarami.

Žyvie Biełaruś!

Dziesiać hod tamu, 26 vieraśnia 1998 hoda, pierastała bicca serca Jaŭhienija Jvanaviča Vaładźko - načalnika Biełaruskaj Čyhunki. Pad čas pachavańnia pa ŭsioj krainie tryvožna zahudzieli dziasiatki lakamatyvaŭ. Tak čyhunačniki raźvitvalisia z kiraŭnikom stalovaj mahistrali, jaki samaachviarna addaŭ usie svaje siły dziela słužeńniu rodnaj Biełarusi. Jon addaŭ joj i samo žyćcio - “chutkaja” ŭviazła jaho z jahonaha pracoŭnaha kabinieta.

Bieh času imklivy j niaŭmolny. Čałaviek tak ustrojeny, što z hadami bol straty prytuplajecca abo prachodzić, ale nia ŭ vypadku z Jaŭhienijam Jvanavičam. Usie, chto pracavaŭ z hetym vybitnym kiraŭnikom, dahetul nia mohuć prymirycca z tym, što ŭžo nikoli nie vyjdzie jon na sustrač, nie ŭśmichniecca svajoj mjahkaj baćkoŭskaj uśmieškaj. Jaho załatoje serca zaŭsiody davała luboŭ dy cepłyniu ŭsim, chto ŭ hetym mieŭ patrebu, chto hetak ža, jak i jon, byŭ hatoŭ, nie škadujučy sił, pracavać na karyść Biełaruskaj Čyhunki. Chto tolki nie źviartaŭsia da jaho za dapamohaj! Za jaho šyrokaJ śpinoj bolš za 100 tysiač čyhunačnikaŭ adčuvali siabie abaronienymi dy ŭpeŭnienymi ŭ zaŭtrašnim dni. (more…)

Saŭčanka Anton Antonavič dy Tałkačoŭ Viktar Jvanavič - voś i ŭvieś tak zvany “vybar”, bo pieršy siabra KPB (Kamunistyčnaja Partyja Biełarusi), a druhi… A druhi byŭ dobrym dyrektaram (pry jm zavod narešcie pačaŭ pracavać dy prynosić prybytak), ale, nažal, ciapier jon chvory na cukroŭku - siadzić na insulinie. I voś čym budzie zajmacca čałaviek sa svajoj chvarobaj u parlamancie? Ščyra kažučy, nia viedaju!

Maja babula, kolki joj nie prapanoŭvaŭ “zabić” na vybary dy z lohkim sercam pajechać na lecišča, usio ž taki mianie nie pasłuchała j pajšła halasavać daterminova (suprać usich).

Tavarystva biełaruskaj movy źviarnułasia da prychilnikaŭ biełaruskaj movy z prośbaj ab dapamozie.

Paśla taho, jak z krasavika ŭ 10 razoŭ była ŭźniata arendnaja płata, arhanizacyja vymušana štomiesiac płacić kala 1 tysiačy eŭra za dva svaje ofisy — u Minsku j Homieli. Usie zvaroty da ŭładaŭ dy apazycyi, u tym liku da lideraŭ Partyi kamunistaŭ Biełaruskaj Siarhieja Kalakina i ruchu „Za Svabodu” Alaksandra Milinkieviča, z prośbaj dapamahčy mieli „nulavy vynik”.

— Zaraz my raźličvajem tolki na prostych hramadzianaŭ, jakija, chto kolki moža, achviarujuć hrošy na padtrymku TBM. Heta vykładčyki, nastaŭniki, studenty, piensijaniery, jakich da zabiaśpiečanych ludziej naŭrad ci možna adnieści. A voś lidery apazicyi čamuści dapamahčy TBM albo nia mohuć, albo, što chutčej, nie žadajuć, — kaža A.Trusaŭ.

TBM zaklikaje ŭsich hramadzianaŭ, jakija nieabyjakavyja da rodnaj movy i rodnaj kultury, dapamahčy tavarystvu.

Rachunak HA „TBM imia Franciška Skaryny” №3015212330014 ŭ Hardyrekcyi AAT „Bielinviestbanka”, kod 764”.

Ščyra kažučy, kali ja byŭ u pieršy dzień, mnie tolki spadabaŭsia vystup spadara, jaki raspaviadaŭ pra Agile/Scrum. Miž inšym, papiaredniaha dakładčyka (darečy, jon z Microsoft’a) ja by chutka zapamiatavaŭ, kali b nie jaho pieryjadyčnyja “nia ŭ temu” vykazvańni - pa jaho razumieńniu Agile heta štości kštałtu Java (jon navat prapanavaŭ na Agile napisać pptFlex) nu i h.d. Druhi dzień mnie bolej spadabaŭsia - ale heta j zrazumieła, bo tam bolš humanitaryja było.

Zrabiŭ fotazdymak sp. Spiritzzz, jaki pracavaŭ na kanfierencyi.

Siońnia vyjšaŭ pieršy numar hazety “Et Cetera“, i, ščyra kažučy, ja b padpisaŭsia na jaje, kali b dastaŭka na sieciŭnuju poštu kaštavała jakich grošaŭ… Ściahnuć numar ad 15.08.2008

Zrazumieła, pakul numar atrymaŭsia nia vielmi skampanavanym - naprykład raspovied pryhod spadara Vałošyna pra toje jak niedarečna vabiŭ jon čas u Tureččynie… Paŭstaje pytańnie, jak mahło tak atrymacca?! Kali spadar Vałošyn vypadkova pabačyć hety zapis - voś, davoli cikavaja spravazdača majho ščyraha siabra z Ukrainy (zrazumieła, što napisana na ŭkrainskaj movie). Potym artykuł “Манекены Пис” - cikavy pačatak jak abiacańnie dobraha artykuła, ale nastupnuju staronku nie dačytaŭ. Asobna ab dyzajnie - jon pryvabny, nasamreč, čytać zručna (j pryjemna vačam da taho ž).

Padahulniajučy, žadaju pośpiechaŭ u asvajeńnie biełaruskaj internet-prastory!

Pavažanyja siabry! Sardečna vinšuju vas z Dniom biełaruskaha piśmienstva.

Heta śviatočnaja data tryvała ŭvajšła ŭ naša žyćcio, atrymała dziaržaŭny status i pryznańnie naroda, tamu što plonna spryjaje duchoŭnamu, kulturnamu, sacyjalnamu raźvićciu Biełarusi. Nahadvajučy pra hodnaje minułaje, dazvalaje z nadziejaj hladczieć u budučyniu.

Nievypadkova sioleta estafietu ŭračystaściej prymaje zasnavany jašče napačatku XII stahoddzia Barysaŭ — adzin sa staražytnych kulturnych centraŭ našaj krainy, horad, ź jakim źviazany mnohija značnyja padziei biełaruskaj historyi.

Upeŭnieny, što Dzień biełaruskaha piśmienstva źjavicca važnaj padziejaj u kulturnym žyćci Biełarusi, paspryjaje dalejšaj kansalidacyi nasielnictva respubliki na tryvałym padmurku vysokich duchoŭnych kaštoŭnaściej, zakładzienym słavutymi prodkami.

Ščyra žadaju ŭsim arhanizataram, udzielnikam i haściam śviata mocnaha zdaroŭja, dabrabytu, ščaścia, aptymizmu i novych zdziajśnieńniaŭ na karyść Radzimy.

Alaksandr Łukašenka

Recha miratvorčaha tankavaha špacyru ŭ napramku Tbilisi skałanuła śviet. Staranna padrychtavany i biazdarna pastaŭleny śpiektakl z treskam pravaliŭsia. Rasijskaja mieładrama pra abaronu słabych i pakryŭdžanych pierarasła ŭ kryvavy fars. A da pastanoŭščyka niečakana pryčapiłasia słova „akupant”.

U hetyja niekalki dzion šmat chto narešcie zrazumieŭ, kim nasamreč zjaŭlajecca Rasija. Krainy JEŭropy zrabili na hety kont adpaviednyja vysnovy. Polšča paśpiašałasia pahadzicca na razmiaščeńnie na svajoj terytoryi elemientaŭ amierykanskaj sistemy supraćrakietnaj abarony. Łakalny, zdavałasia b, kanflikt tak ci inakš zakranaje ŭsich. Nieviadoma tolki, ci zrazumieła toje Biełaruś. (more…)

Stratehična ich stanovišča palepšyłasia. Raniej jany vymušanyja byli ŭsim dakazvać, što Rasieja — akupant, a nie pasiarednik pamiž imi i separatystami. Pierš za ŭsio heta davodziłasia dakazvać Eŭropie (ZŠA heta zrazumieli vielmi daŭna, tamu i dapamahajuć Hruzii čym tolki mohuć). A zaraz usie pabačyli realny stan rečaŭ. Zaŭvaž — z separatystami ciapier nichto ŭvohule nie razmaŭlaje i ich nie zaŭvažaje (niahledziačy na ŭsie vysiłki Rasiei skiravać razmovy ŭ hety bok). Bo ŭsie ciapier bačać, što niama separatystaŭ, a jość Rasieja i maryjanietkavyja režymy, što trymajucca tolki i vyklučna na šychtach rasiejskich akkupantaŭ (kab ja toje skazaŭ tut tydzień tamu, ty b pieršy pačaŭ by mianie krytykavać. (more…)

Ambasadar Rasiei ŭ Biełarusi Alaksandr Surykaŭ vykazaŭ nierazumieńnie pazycyi biełaruskich uład u adnosinach vajny z Hruzijaj. „Nam vielmi niezrazumieła, što dziaržaŭnyja ŭłady Biełarusi zachoŭvajuć ścipłaje maŭčańnie”, — zajaviŭ Surykaŭ ŭ aŭtorak na pres-kanfierencyi ŭ Miensku.

Pa słovach ambasadara, za ŭvieś čas kanfliktu ź biełaruskaha boku mieła miesca tolki “vykazvańnie druharadnaha čynoŭnika MZS”. “A my-ta zaŭsiody padzialajem vaša hora ŭ mižnarodnych arhanizacyjach, u tym liku, kali ŭvodziacca ekanamičnyja sankcyi, kali mižnarodnyja arhanizacyi pa inicyjatyvie niekatorych krain pačynajuć abmiarkoŭvać adsutnaść pravoŭ čałavieka ŭ Biełarusi. Za hetym zaŭsiody vynikajuć hołasnyja zajavy z boku Rasiei”, — zaŭvažyŭ A.Surykaŭ. Ambasadar padkreśliŭ, što “ścipła-maŭklivaje maŭčańnie nas azadačyła”. “Bolš vyrazna treba vykazvacca pa takich pytańniach, tym bolš sajuźnikam”, — skazaŭ A. Surykaŭ. (more…)