Techna-Art: Čas Hulni
Robaty i seks… U siužecie amierykanskaha kibierpank-filma “Blade Runner” maje miesca pryvabnaja žančyna-robat (u savieckaj filmahrafii taki siužet naŭradcie b prajšoŭ cenzuru), jakaja stvarałasia tolki dziela blizkaha fizičnaha kantaktu. Heta ja ab čym — uvajšoŭšy ŭ pamiaškańnie vystavy, ja adrazu zaŭvažyŭ dźviuch pryhožych dziaŭčyn-robataŭ, jakija mieli pafarbavanyja vałasy ŭ srebrany koler, u karocieńkaj sukiency taho ž kolera, (ale što ŭraziła, dyk heta pracivahaz, taksama pafarbavany ŭ srebrany koler, jaki pryčaplaŭsia na patylicu), mnie adrazu zachaciełasia pajści z adnoj robatkaj u jakoje niebudź pryvatnaje pamiaškańnie.
Paźniej, pa vystavie pačali “chadzić”, pryčym davoli padobna da robataŭ, jakich my zvykli hladzieć u kinastužkach, chłopcy ŭ (zdahadajciesia, jakoha koleru) vopratcy, nakštałt kambiniezonaŭ z kapielušom. Było davoli atmasfierna… Asabista mnie spadabałasia tolki častka prac, dy j taja nievialičkaja, — sieryja na hulniu Doom, dźvie pracy Andrusia Kapuśnikava — “Tankavaja ataka”, miž inšym, jany jakraz na fotazdymku, dy jašče niekalki prac, škada, što ja nie pahladzieŭ, chto byŭ aŭtar hetych prac. Uvohule, na vystavie pradstaŭleny raboty ŭ nastupnych napramkach: 3D-animacyja, kampjuternaja hrafika, ličbavy mantaž, art-abjekty.
“Svaju hulniu” pradstaŭlajuć Uładzimir Ceśler, Vadzim Kačan, Andrej Ščukin, Uładzimir Parfianok, Daniił Parniuk, Arkadź Biryłka, Alaksandr Ščepietaŭ, Siarhiej Stelmašonak. Taksama „hulajuć u Techna-art” maładyja mastaki: Siarhiej Ždanovič, Alena Taborka, Taćciana Homza, Kaciaryna Marcinovič, Dzianis Barsukoŭ,Maryja Piatrovič…
Z 2 pa 13 listapada mastackaja halereja „Univiersitet kultury” prezientuje minskaj publicy dasiahnieńni biełaruskaha Techna-arta. Čakajem Vas pa adrasie: mastackaja halereja „Univiersitet kultury”, Kastryčnickaja pł., 1 (Pałac Respubliki); kantaktny teł.: 227 26 12